Wasiirka Wasaaradda Gadiidka iyo Duulista Xukuumadda Federaalka Soomaaliya Mudane Duraan Axmed Faarax ayaa maanta shir guddoomiyay kulan looga hadlayay Amniga Garoonka Diyaaradaha ee Aadan Cadde.
Shirka waxaa ka qaybgalay Wasiirka Amniga Gudaha mudane Cabdullaahi Maxamed Nuur, Maareeyaha Hay’adda Duulista Rayidka mudane Axmed Macalin, Madaxa UNSOS Mr. Lisa Filipetto iyo saraakiil ka socotay Hawlgalka AMISOM.
Intii uu socday shirka waxaa diiradda lagu saaray sidii loo sii laba jibaari lahaa ammaanka Garoonka Muqdisho, taasi oo dowladda muhiimad gaar ah u leh ilaalinta Nabadgelyada Garoonka.
