Wasiirka Wasaradda Qorsheynta Qaranka, Mudane Jamaal Macxamed Xasan ayaa maanta magaalada Muqdisho ka furay Aqoon-isweedaarsi socon doona saddex cisho ah oo ku aadan Xalka Waara.
Xafiiska Xalka Waara ee Wasaaradda Qorsheynta Qaranka oo kaashanayna, Hay’adda ReDSS, Urur goboleedka IGAD, iyo Baanka Adduunka (World Bank) ayaa soo qaban qaabiyey tababar looga arrinsanayo Xalka Waara iyo fulinta Istraatiijiyada Xalka Waara, iyadoo uu ahmiyad ballaaran u leeyahay hay’adaha kala duwan ee ka qeyb galayo oo ka kala socda Wasaaradaha Dowladda Federaalka, Dowlad Gobaleedyada, Gobalka Banaadir, Hay’adaha Maxaliga and Caalimiga, Macadyada Cilmi barista, iyo Jamacadda Ummadda Soomaaliyeed.
Ujeeddada ugu weyn tababarkan looga gol’leeyahay waxay ay tahay sidii kor loogu qaadi lahaa fahanka iyo hergelinta barnaamijyada Xalka Waara ee sarkaashiga Dowladda dhexe, Maamul Gobaleedyada, Gobalka Banaadir iyo Hay’adaha la sheeqeeya. Xog wanaagsan in ay ka haleen waxa uu yahay Xalka Waara iyo sidii xalkaas loogu heli lahaa bulshada ku barakacday gudaha dalka ee ay la soo gudboonaadeen duruufo nololeed oo adag, si ay ula mid noqdaan bulshada kale ee caadiga ah.
Maxamed Cumar oo ka socday Urur gobaleedka Igad iyo Agaasimaha Gobalka hay’adda ReDSS oo hadal kooban ka jeediyay madasha ayaa hoosta ka xariiqay in dowladda Soomaaliya ay ka garab taagan yahiin sida ay xal waara ugu gaari lahayd mushkiladaha kala duwan ee barakaca isla markaana Istaraajiyada fulinteeda iyo qorshaheeda ka taageerayaan.
Agaasimaha Xafiiska Xalka Waara ee Wasaaradda Qorsheynta Marwo Sahra Cabdi Maxamed ayaa sheeagtay in tabbabarkan saddexda cisho ah ku kala qaadan donna xogta xalka waara si aan u xoojino shaqada culus ee na hortaalo sannadka dambe ee 2022.
“Waxaa farxad noo ah in aad na soo ajiibteen nagala soo qayb gashaan tababarkaan oo saddexda maalmood ee soo socda aan ku kala qaadan doonno xogta xalka waara iyo sidii xal waara loogu heli lahaa dadka ku barakacay gudaha dalka. Muddooyinkii dambe Xafiiska Xalka Waara waxa uu ku hawlanaa hirgalinta Strategy yada qaran ee xalka waara oo ay ansixiyeen golaha wasiiradu bishii March 2020. Sanadka soo socda ee 2022 waxaan rajaynaynaa in dowladdu qaadato door hoggaamineed oo fiican arrimaha xalka waara. Haddaba, saddexda bari ee aan wada joogi doono waxaan rajaynayaa in kulankeenu noqon doono mid mira dhal ah oo aan ku kala faa’iidaysano” ayay tiri Sahro.
Mudane Jamaal Maxamed Xasan Wasiirka Wasaaradda Qorsheynta Qaranka, ayaa hoosta ka xaqiiqay in dad tiradoodu gaarayso 2.6 million oo ku kala sugan 2,000 oo goobood ah aya jiro, marka in 30 sanno gargaar ku jiro xal mahan, howsha waxa ay ka socoto waa gobalada marka waa in xoogga saartaan fulinta Istaraajiyada qaran ee xalka waara.
“Hirgalinta strategy adda qaran ee Xalka Waara waa mid ka socota gobolada dalka, waayo waxaa gudaha dalka ku barakacay dad tiradoodu gaarayso 2.6 million oo ku kala sugan 2,000 oo goobood dhammaan dalka, kuwaas oo lambar weyn ka ah guud ahaan bulshada Soomaaliyeed. Hay’aduhu way na caawin karaan laakiin shaqada anaga ayaa nalaga rabaa in aan qabano. Barakaca waxa uu noqday wax la soo galo laakiin ay adag tahay in si fudud looga baxo, haddaba saraakiisha dowladda ee ka shaqaysa arrimaha xalka waara waxaa laga rabaa sidii ay qayb weyn uga qaadan lahaayeen in dadka ay ka baxaan nolosha barakaca. Maadaama barakaca ay keenaan arrimo badan oo is biirsaday sida colaadaha, isbadalka cimilada iyo ayaxa. Waa in aan la nimaadno xirfaddii wax looga qaban lahaa saamaynta ka dhalata abaaraha ayadoo la ilaalinayo sharafta iyo nolosha dadka sida joogta ah uu barakacu u saameeyo”.ayuu yirii Wasiir Jamaal.
Ugu dmabeyntii waxa la filayaa in si wanaagsan ay uga faa’iideystaan saraakiisha ka kala socda dowlada dhexe, dowladd gobaleedyadda, Maamulka Gobalka Banaadir iyo cilmi barista kuwaas oo gaaraya 50 ruux.
