Wasaaradda Caafimadka Galmudug ayaa maanta magalaada Cadaado kafurtay tababarka gabdhaha shaqaalaha cusub ee marwo caafimaad wajigiisa 1aad.
Xafladaani oo ah daahfurka tababarka gabdhaha shaqaalaha cusub ee marwo caafimaad wajigiisa 1aad oo ey Wasaaradda furtay ayaa waxaa kasoo qeyb galay Wasiirka Wasaaradda Caafimaadka Galmudug Mudane Dr.Cabdiweli Cabdullahi Jaamac, Sanatar Saciid Siyaad Shirwac ,Agaasimaha Guud ee Wasaaradda Caafimaadka , Guddoomiyaha Degmada Cadaado Mudane Tootoole, Xildhibaano Galmudug, uqaybsanaha Galmudug ee mashruucaan Dhanka Wasaaradda Maaliyadda Galmudug .
Tababarkaan oo socon doona muddo 45 maalin ah ayaa loo qaban doonaa 100 Marwo Caafimaadka iyo 7 kormeere oo Dhamaan ka tirsan Shaqaalaha Wasaaradda Caafimaadka ee kakala yimid Dhamaan deegaanada Galmudug .
Inta ay socotay xafladaan furitaanka ayaa waxaa kahadlay Agaasimaha Guud ee Wasaaradda Caafimaadka Galmudug Dr.Cabdiwali Maxamed Axmed
oo si faahfaahsan usharaxay ujedada tababarkaan looqabanayo.
Guddoomiyaha Degmada Cadaado iyo Xildhibaan Cabdi Takiye ayaa dhankooda xafladaani furitaanka ka hadlay.
Wasiirka Beyโada iyo Isbedelka Cimilada Galmudug ahna Sanatarka aqalka sare ee Soomaaliya Saciid Siyaad Shirwac ayaa bogaadiyey furitanka tababarkan Marwo Caafimaad ee maanta laga daahfuray Cadaado
Ugu dambeyn Wasiirka Wasaaradda Caafimadka Galmudug Dr.Cabdiweli Cabdullahi Jaamac ayaa daahfuray tabarka gabdhaha shaqaalaha cusub ee Marwo Caafimaad wajigiisa 1aad isagoona Ku booriyay in waxa ay ka bartaan tababarkaan cilmiyeesan ay wax ugu qabtaan bulshada reer Galmudug.
