Wasiirka Gaadiidka iyo duulista Hawada Xukuumadda Federaalka Soomaaliya ayaa maanta kormeer ku tagay hangarka dayactirka diyaaradaha oo laga hirgalinayo gudaha garoonka diyaaradaha Aadan Cadde kaas oo la dhagax dhigay 29 may 2021 waxaana haatan heer gabogabo ah maraya dhismaha hangarka.
Wasiirka ayaa waxaa kormeerka ku weheliyay maareeyaha garoonka Aadan Cadde, Maareeyaha Hay’adda duulista rayidka ah iyo saraaakisha amniga Garoonka.Wasiir Duraan ayaa sheegay in dhismaha hangarka uu soo gabogaboobi doona bilowga sanadka cusub, isagoona sheegay in baahidii dayactirka gaadiidka cirka ee loo aadi jiray dalalka dariska ah ay meesha ka bixi doonto.
”Dhismaha Hangarkaan wuxuu ahaa qorshaha koowaad ee markii aan xilka la wareegay aan go’aansaday in la hirgaliyo, waxaana muhiimadiisu ay tahay mid baahi wayn loo qabay”ayuu yiri wasiirka gaadiidka Duraan Axmed Faarax.
