Wasiirk Wasaaradda Arrimaha Dibada Xukuumadda Federaalka Soomaaliya Cabdisacid Muuse ayaa ka qeyb galay daahfurka buuga Dublomaasiyadda iyo Dunida oo uu qoray danjire Cabdi Shire Warsame oo ah rug cadaa ku xeel dheer arrimaha dublomaasiyada iyo Sooyaalka siyaasada kaas oo Wasaaradda Arrimaha Dibada ka soo shaqeynayay in ka badan 40 sano.
Munaasabada daahfurkaan buugan ayaa waxaa qeyb ka ahaa Wasiiro, Senatoro, Xildhibaano, Diblomaasiyiin, aqoon yahano iyo bahda aqriska iyo qoraalka waxaana buuga si weyn loogu falanqeeyay macaamilka diblomaasiyada isaga oo ka mid noqonaya buugaagta afka Soomaaliga ku qoran ee dhif iyo naadir ka ah kuwaas oo ka hadkaya arrimaha diblomaasiyada iyo habmaamuuskooda.
Aqoonyahanada iyo Mas’uuliyiinta goobjooga Ka ahaa daahfurka buuga ayaa uga mahadceliyay qoraha buuga, luuqada uu ku qoranyahay iyo in aqoontiisa iyo qibrada uu buulshada la wadaagay.
Danjire Abdi Shire Warsame oo ah qoraha buuga ayaa sharaxaad ka bixyay fahamka uu buugaan siinayo qofka aqristaha ah.
Wasiirka Wasaaradda Arrimaha dibada Abadi Saciid Muuse ayaa sheegay in buugaan muhiim yahay dadkana looga baahan yahay inay diblomaasiyada Fahmaan.
