Ugu yaraan 10 xubnood oo ka tirsanaa argagixisada Al-Shabaab ayaa lagu dilay dagaal maanta ka dhacay duleedka Degmada Diinsoor ee Gobolka Baay, sida uu Radio Muqdisho u sheegay Cusmaan Aadan Cusmaan oo ka mid ah dadka deegaanka.
Dagaalka ayaa ka bilowday hoobiyeyaal ay maleesiyada argagixisadu Al-Shabaab ku soo tureen duleedka garoonka magalada Diinsoor, balse ciidamada amaanka ayaa ka hortegay weerarka, halkaasi oo lagu dilay 7 ka tirsan maleeshiyada Al-Shabaab.
Cismaan ayaa xusay in ciidamada ay la wareegeen hub ay argagixisadu kaga carareen dagaalka, isla markaana jab xoogan loogu geystay maleeshiyada Al-Shabaab, iyadoo gacanta sidoo kale lagu dhigay qoriga Hoobiyaha ah ee ay wateen dhagarqabayaasha Al-Shabaab.
