Wasiirka Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya Mudane Ahmed Moallim Fiqi, ayaa Maanta kulan la qaatay Ku-xigeenka Wakiilka gaarka ah ee Xoghayaha Guud ee Qaramada Midoobay, Anita Kiki Gbeho.
Wasiir Ahmed Moallim Fiqi iyo Anita Kiki Gbeho, ayaa waxay kulankooda uga wada hadleen xoojinta wadashaqeynta Wasaaradda Arrimaha Gudaha Soomaaliya iyo Qaramada Midoobay iyo sidii Qaramada Midoobay u kordhin laheyd taageerada Barnaamijyada Federaalka,Dib-u-heshisiinta , Dhismaha Golayaasha Degaanka , Madasha wadatashiga Qaran.
Waxaa Sidoo kale kulanka looga hadlay Abaaraha kajira dalka iyo sidii Qaramada Midoobay uga qeyb qaadan laheyd gurmadka loo sameeynayo Shacabka Soomaaliyeed, taas oo Xukumadda DanQaran u ah ahmiyadeeda ugu weyn.
Mudane Ahmed Moallim Fiqi Wasiirka Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya, “Waxaan uga mahadceliyay Anita Kiki Gbeho taageerada Qaramada Midoobay ay siiso Soomaaliya waxaana inaga go’an haddii aan nahay Wasaaradda Arrimaha gudaha la shaqaynta Hay’addaha Qaramada Midoobay ee ka howlgala Soomaaliya”. Mudane Ahmed Moallim Fiqi Wasiirka Arrimaha Gudahaa Ayuu yiri
Kulanka Wasiirka waxaa ku wehlinayay Wasiiru dowlaha Wasaaradda Mudane Ilyas Ali Hassan iyo agaasimaha Guud ee Wasaaradda Mud.Saciid Abdullahi Calasow.
