Wasiirka Wasaaradda Caddaaladda iyo Arrimaha Dastuurka Xukuumadda Federaalka Soomaaliya Mudane, Xasan Macalin Maxamuud, oo ay wehliyaan Wasiir ku-xigeenka Mudane, Axmed Cabdiraxmaan Xasan, Xeer ilaaliyaha guud ee qaranka, Mudane, Saleebaan Maxamed Maxamuud iyo Agaasimaha Guud ee Wasaaradda, ayaa maanta kormeer shaqo ku tagay Xabsiga dhexe ee Xamar oo ay ku xiranyihiin maxaabiis xukunno kala duwan ku xukuman.
Wasiirka, ayaa kormeeray qeybaha kala duwan ee xabsiga,asagoo warbixin ka dhageystay ku simaha Taliyaha Ciidanka Asluubta Soomaaliyeed iyo Taliyaha Xabsiga dhexe oo ku aaddan xaaladda.
Waxuuna ka dhaggeestay Madaxda Xabsiga,Baahiyaha ka jira xabsiga iyo si guud, Xaaladda guud ee Maxaabiista ay ku suganyihiin sida jiifka, cunnada, waxbarashada, Caafimaadka iyo shaqooyinka Farsamo ay qabtaan maxaabiista.
