Maxkamadda Ciidamada qalabka sida ayaa maanta xukun dil ah ku fulisay xidigle Cabdinaasir Daa’uud sheekh Xasan oo si barreer ah u dilay taliye dhamme Xoogga dalka Cabdi Maxamed Axmed Hurdaaye oo ahaa taliyihii gaadiidka ee ururka 59-aad.
Dilkaan qisaasta ah ayaa ka dhacay xarunta Dugsiga Jeneraal Goordan oo ah goobtii uu marxuumkaasi ku dilay taliyaha.
Ku xigeenka xeer ilaaliyaha maxkamadda ciidanka qalabka sida Maxamed Cabdilaahi Khaliif iyo qaar kamid ah eheladii uu ka tagay dhamme ex Cabdi Maxamed ayaa goobjoog ka ahaa xukunka dilka ah ee lagu fuliyay ex xidigle Cabdinaasir Daa’uud.
Dilkaasi kaib waxaa la isku dhinac aasay ninkaasi gacan ku dhiiglaha ahaa iyo taliyihii uu ka dambeeyay dilkiisa.
29-kii bishii hore ayeey aheyd markii marxuumkaasi uu geystay falkaasi dilka ah.
