Madaxweynaha Dowlada Jubaland Mudane Axmed Maxamed Islaam, ayaa maanta tababar u soo xiray dufcada lixaad ee Ciidamada Booliska Jubbaland oo qaatay tababar kala duwan.
Dufcadan oo ka kooban qeybaha kala duwan ee Ciidanka Booliska gaar ahaan qeybta ka hortaga danbiyada, danbi baarista, ka hortaga rabshadaha iyo Booliska Sida gaarka ah u tababar,ayaa gaaraya 150 askari, iyadoo maanta tababarka loogu soo xiray Akadeeniyada Ciidanka Booliska Jubbaland ee gobolka Jubada Hoose.
Ciidamadaan, ayaa loogu talagalay inay la wareegan amniga deeganada laga xoreeyay kooxaha Argagixisada ah ee howglgalka ka dhanka ah ay wadaan Ciidamada kala duwan ee Jubbaland iyo Ciidamada xoogga dalka.
Howlgalka lagu xoraynayo deegaanada Jubbaland ee dhawaan bilowday, ayaa ilaa hadda lagu xoreeyay Deegaanada Aw qumbaale, shandarmood, Ceelcad, Gubakibir, Canjeel iyo Janaa Cabdalle, iyadoo Ciidamadan ay durba ka howlgali doonan deegaanadaas ay xoreeyeen Ciidamada qalabka Sida.
Madaxweynaha Dowlada Jubbaland Mudane Axmed Maxamed Islama, ayaa sheegay in howlgalada bilowday ay sii socon doonan isla markana laga xorayn doono dhammaan deegaanada Jubbaland gaar ahaana Magaalada Caasimada ah ee Bu’aale wakhtiyada dhow.
Waxaa kale oo Madaxweynahu uu sheegay in Ciidamadan ay ka howlgali doonan dhammaan deeganadii u danbeeyay ee laga xoreeyay Kooxda Khawaariijta ah isla markana ay kala wareegi doonan mas’uuliyadda sugida amniga Ciidamada qalabka Sida.
