Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa maanta xafiiskiisa ku qaabilay sii-hayaha Safaaradda Dowladda Ingiriiska ee Soomaaliya Mudane Ed Barnett.
Kulanka oo diiradda lagu saaray xiriirka qotada-dheer ee ka dhaxeeya labada dowladood, wada shaqeynta Baarlamaanka iyo dowladda Ingiriiska. Sidoo kale ku-simaha Safiirka ayaa uga mahadnaqay Guddoomiyaha Golaha Shacabka BJFS guushii uu ka soo hooyay shirkii dib u heshiisiinta Koonfur Galbeed oo ku soo dhamaaday xasilooni siyaasadeed iyo isfahan bulsho.
Kulanka ayaa sidoo kale looga hadlay shuruucda muhiimka u ah ee Golaha Shacabka ay ansixiyeen iyo kuwa hadda horyaala si loo dhameystiro adeegyada dowladda.
