Cabdiraxmaan Xuseen Wehliye oo ah Muwaadin Soomaaliyeed oo markii ay dhacaysay Dowladii Dhexe dalka waxaa gacantiisa ku jiray Gaari kuwa Xamuulka qaada ah, isagoo ka tirsanaa Wasaaradda Gaadiidka, Cirka iyo Dhulka, mudo ka dib burburkii Wadanka wuxuu ku iibiyay Gaarigii lacag dhan 12,500 (Labo iyo Toban kun, iyo Shan boqol) oo dollar maadaama aysan jirin xiligaas dowlad uu ku wareejiyo.
Wuxuu ka mid noqday dadkii ka baxay waddanka intii ay socdeen dagaaladii dalka ka dhacay, isagoo u guuray waddanka Ingiriiska.
Dhowaan ayuu soo laabtay wuxuuna go’aansaday lacagtii gaariga lagu iibiyay inuu ku celiyo dowladda, maadaama ay tahay Hanti Qaran.
Cabdirixmaan ayaa lacagta si toos ugu shubay Bangiga dhexe ee dowladda, iyadoo ay goobjoog ka ahaayeen masuuliyiin ka tirsan Dowladda.
Cabdiraxmaan ayaa qaaday talaabo geesinimo leh oo ku dayasho mudan.
