Wasiiru dowlaha Wasaaradda Waxbarashada, Hiddaha iyo Tacliinta sare Marwo Nuura Mustaf Mukhtaar, ayaa daah-furtey barnaamijka MIDA FINNSOM ee taageera Wasaaradaha kala ah Waxbarashada iyo Caafimaadka.
Ujeedka mashruucaaan, ayaa ah sidii kor loogu qaadi lahaa aqoonta iyo xirfadda shaqaalaha Wasaaraddaha Waxbarashada iyo Caafimaadka si ay u kordhiyaan adeegga ummadda Soomaliyeed ay u hayaan.
Shirka waxaa kale oo ku weheliyey wasiiru dowlaha Wasaaradda Caafimaadka Dr. Maryan Maxamed Xuseen, Safiirka Dalka Finland Mudane Pirkka Tapiola, madaxa IOM Soomaaliya mudane Frantz Celestin iyo madax sare oo ka socotey dowladda federaalka iyo dowlad goboleedyada.
Wasiiru dowlaha, ayaa diiradda saartey muhiimadda gaarka ah ay leedahay in kor loo qaado aqoonta iyo xirafidda shaqaalaha rayidka ah, kuwaasi oo aqoontoodu si joogto ah ugu adeega ummadda Soomaaliyeed.
