Guddoomiye Ku-xigeenka labaad ee Golaha Shacabka Baarlamaanka Jamhuuriyadda Federaalka Soomaaliya Mudane Cabdullahi Cumar Abshirow, oo ay wehliyaan Xildhibaanno ka tirsan Baarlamaanka iyo Xoghayaha guud ee Golaha Shacabka ayaa garoonka diyaaradaha Aadan Cabdulle Cismaan waxay ku soo dhoweeyeen wafdi ka socda Baarlamaanka wadanka walaalaha nahay ee Jamhuuriyadda Jabuuti.
Xubnaha Wafdiga waxaa hoggaaminaya Xildhibaan Saleemaan Daahir Bile oo ah Xoghayaha Xafiiska joogtada ah ee Baarlamaanka Jabuuti sidoo kalena ah xubin sare oo ka tirsan xisbul xaakimka Jabuuti, waxaana uu Xildhibaannada uga mahadceliyay soo dhoweynta diiran oo walaaltinimada ku dhisan ee loogu soo dhaweeyay Muqdisho.
Ugu dambeyn Guddoomiye ku-xigeenka labaad ee Golaha Shacabka ee BJFS Mudane Cabdullaahi Cumar Abshirow ayaa wafdiga ka socday Baarlamaanka walaalaha Jamhuuriyadda Jabuuti kusoo dhoweeyay Caasimadda dalka, iyadoo maalinta beri ah lagu wado inuu si rasmi ah u furmo kalfadhigga sedaxaad ee Baarlamaanka 11-aad, waxaana xubnahaan ay ka mid yihiin wafuud kala duwan oo ka qeyb galeysa xafladda furitaanka Baarlamaanka.
