Guddiga Gaarka ah ee Arrrimaha Xabsiga Dhexe Xamar ee Golaha Shacabka Baarlamanka Jamhuuriyadda Federaalka Soomaaliya, ayaa kulan la-yeeshay Guddoomiyaha Gobolka Benaadir ahna Duqa Magaalada Muqdisho, kulankaan oo uu shir guddoominayey Guddoomiyaha Guddiga Xil. Bashiir Cabdi Maxamed (Ameerika).
kulanka, ayaa Guddoomiye Madaale Warbixin guud ka siiyay Guddiga, wuxuuna aad ugu dheeraaday waxyaabihii ay horay uga qabteen Xabsiga dhexe,haddane ay mudnaan gaar ah siin doonnaan Xaalada Xabsiga dhaxe, si la mid ah sida maamulka gobolka muhiimada u siiyo Degmooyinka Gobolka Banaadir.
Ugu Dambeyn Guddoomiyaha Guddiga Xil. Bashiir Cabdi Maxamed ayaa u mahadceliyay Guddoomiyaha Gobolka qaabkii wanaagsaneyd ee uu uga waramay inta uu kala socdo xaalada ka jirta Xabsiga, sidoo wuxuu sheegay inuu ka rajeynayo in warbixin dhameystiran uu Guddiga kula soo laabto kadib marka uu booqdo Xarunta Xabsiga Dhexe ee Xamar.
