Taliyaha Ciidanka Dhulka ee Xoogga Dalka Soomaaliyeed Jeneraal Dayax Cabdi Cabdulle ayaa maanta kormeer shaqo ku tagay Dugsiga tababarka ee Jeneraal Dhaga badan ee Magaalada Muqdisho.
Sareeyo Guuto Dayax Cabdi Cabdulle ayaa cutubyo ka tirsan guutada 28-aad Abuu cubeyda kula hadlay gudaha Dugsiga tababarka dhaga badan, waxaana uu tilmamay in loo baahan yahay in ciidamadda xooggu ay u diyaar garoobaan dagaalka dalka looga saarayo kooxda naf la caariga ee khawaarijta.
Taliyaha Ciidanka Dhulka ee Xoogga Dalka Soomaaliyeed Jeneraal Dayax Cabdi Cabdulle ayaa ciidanka ku booriyey in ay u naxariistaan Shacabka Soomaaliyeed madaama ay u dhaarteen illaalintooda iyo difaacooda, asaga uu xusay in shacabka Soomaaliyeed ay ciidanka xoogga ka sugayaan xorreynta dhulka cadawgu heysto.
