Hay’adda Maareynta Musiiboyinka Qaranka ayaa maanta laba Doonyo oo sida shixnado gargaar ah u kala dirtay deegaannada dowlad-goboledyada Puntland iyo Jubbaland.
Guddoomiyaha hay’adda Maareynta Musiiboyinka Qaranka Mudane Maxamuud Macallin Cabdulle ayaa galabtii doonyahaan ka sagootiyey dekedda Muqdisho
Gargaarkaan raashinka ah ayaa loo diray bulshada ku dhaqan deegaannada ay ka jirto xaalado beni’aadannimo oo adag, taas oo ka dhalatay daadad ka dhashay cimilada El Niño.
Waa gargaarkii labaad ee loo diro Jubbaland oo ka mid ah Dowlad-Goboleedyada dhibaatada ugu badan ay ka soo gaartay daadadka.
