Xildhibaanno iyo Wasiirro ka tirsan Dowladda Federaalka Soomaaliya ayaa maanta saxiixay buugga Tacsida ee Allaha u naxariistee marxuumad Wasiirkii Haweenka Khadiijo Maxamed Diiriye.
Saxiixa buugga tacsida oo lagu qabtay hoyga marxuumadda waxaa ka qeybgalay Guddoomiye ku-xigeenka 1-aad ee golaha Shacabka Xildhibaan Sacdiyo Yaasiin Samatar, Xildhibaan Maxamed Cabdi Xayir Maareeye, Wasiiro ka tirsan Xukuumadda Federaalka iyo xubno kale.
Maxamed Shuuriye Nuur oo ka mid ah Guddigga qaban qaabada tacsida ayaa sheegay in tacsida marxuumadda oo loo fadhiyo maalintii labaad ay socon doonto muddo Todobaad ah.
Dhammaan masโuuliyiintii ka qeybgalay saxiixa buugga tacsida ee marxuumad Khadiijo Maxamed Diiriye ayaa waxa ay Alle uga baryeen Janatul Fardowsa, eheladii ay ka tagtayna waxa ay u rajeeyeen samir iyo iimaan inuu Alle ka siiyo.
Marxuumad Khadiijo Maxamed Diiriya waxa ay 20-kii sano ee la soo dhaaafay ka soo qeybqaadatay dhismaha iyo geedi socodka dowladnimo Soomaaliya.
