Soomaalida ku nool dalka Netherland ayaa afaafka hore ee Maxkamadda Cadaaladda Adduunka magaalada Hague ee dalka Netherland ka dhigay banaan bax ay kaga soo horjeedaan heshiiska badda ee ay 1dii bisha Janaayo kala saxiixdeen Maamulka Somaliland iyo Xukuumadda Addis-ababa, kaasi oo xadgudub ku ah madax-banaanida iyo Qaranimada Soomaaliya.
Banaan baxan oo ay soo qaban qaabiyeen Jaaliyadda Soomaaliyeed ee dalka Netherland ayaa waxa ay wateen boorar ay ku qornaayeen hal ku dhigyo ay kaga soo horjeedaan Damaca gurracan Itoobiya ay ku dooneyso Baddeena, ayna ku taageereen go’aankii dowladda Fedaraalka Soomaaliya ay ku burisay heshiis beenaadka.
Cabdiqaadir Cali oo ah Guddoomiyaha Jaaliyadda Soomaalida ee dalka Netherland ayaa u sheegay Radio Muqdisho in ujeedka ay u qabteen banaan baxan uu yahay in ay kaga soo horeedaan heshiis beenaadka, islamarkaana Soomaalida Netherland ay taageersanyihiin dadaalka mas’uuliyiinta dowladda Federaalka Soomaaliya ee ku aaddan difaacidda qadiyadda baddeenna.
