Wasiirka Gaadiidka iyo Duulista hawada XFS Fardowso Cismaan Cigaal oo uu wehliyo Maareeyaha hay’adda Duulista Rayidka Axmed Macalin ayaa maanta booqatay Xarunta Sheybaarada diyaarinta Qorshaha Isbeddelka Qaranka.
Booqashada Wasiirka ayaa la xiriirtay u kuur galidda shaqooyinka muhiimka ah ee ka socota halkaan, waxaana ay warbixin ka dhageysatay qubarada iyo mas’uuliyiinta hormuudka u ah howlgalkaan.
Wasiir Fardowso ayaa kormeertay Sheybaarada qaar waxaana ay ku dhiirigalisay howl wadeenada howsha wanaagsan ee ay hayaan, iyadoo u rajeysay in ay soo saari doonaan Qorshe Qaran oo dalkeenna u horseeda guul iyo Horumar Waara.
