Wasiirka Amniga Gudaha, Jeneraal Cabdullaahi Sheekh Ismaaciil (Fartaag), ayaa guddoomiyey kulan looga hadlayey wada shaqeynta iyo sare u qaadista sumcadda Baasaboorka Soomaaliyeed.
Ujeedooyinka ugu waaweyn ee kulanka waxa ka mid ahaa:
Related posts
โข Hirgelinta isticmaalka Kaarka Aqoonsiga Qaranka ee qaadashada baasaboorka.
โข Dardargelinta aqoonsiga caalamiga ah ee Baasaboorka Soomaaliga.
โข Sugidda iyo tayeynta xogta muwaadiniinta Soomaaliyeed.
โข Xoojinta is-dhexgalka nidaamyada xog-wadaagga HSJ iyo NIRA .
โข Dhisidda hannaan joogto ah oo labada hayโadood ay si wadajir ah u fuliyaan.
Wasiirka ayaa sheegay in la qaadayo tallaabooyin muhiim ah oo lagu xoojinayo maamulka socdaalka iyo aqoonsiga muwaadiniinta, iyadoo lagu saleynayo istiraatiijiyadda Dowladda Federaalka Soomaaliya ee ku aaddan hayโad casri ah iyo adeegyo la jaanqaadaya baahida shacabka.
๐๐จโ๐๐๐ฆ๐จ ๐๐ฎ๐ก๐ข๐ฆ ๐๐ก ๐จ๐จ ๐ฅ๐ ๐๐๐๐ซ๐๐ฒ:
โข Laga bilaabo 1-da September 2025, Baasaboorka Soomaaliyeed waxaa lagu codsan doonaa Kaarka Aqoonsiga Qaranka, si loo xaqiijiyo sugnaanta iyo kalsoonida xogta muwaadinka.
Laga bilaabo 1-da January 2026, dhammaan dadka ku safaraya dalka gudihiisa waxaa looga baahanyahay inay haystaan Kaarka Aqoonsiga Qaranka, si loo hubiyo xogtooda shaqsiga ah.
โข Muddada ka horeysa taariikhdaas, labada hayโadood waxay si buuxda uga wada shaqeyn doonaan isku dubaridka nidaamyada, tababarka saraakiisha, iyo wacyigelinta bulshada.
Kulanka waxaa qeyb ka ahaa Wasiir Dowlaha Arrimaha Dibadda Mudane Cali Cumar Balcad, Agaasimaha Guud ee HSJ Mudane Mustafe Sheekh Cali Dhuxulow, Maareeyaha Guud ee NIRA Mudane Cabdiwali Cali Cabdulle Timacadde, lataliyayaal iyo masuuliyiin kale oo ka kala socday labada hayโadood.
Kulanka Wasiirka Amniga oo lagu adkeeyey Isticmaalka Kaarka Aqoonsiga Qaranka.
