RADIO MUQDISHO:-Soomaaliya ayaa ku biirtay dhoolatus ballaaran oo ay wadajir u sameynayaan ciidamada badda dalal dhowr ah, kaas oo ujeeddadiisu tahay xoojinta iskaashiga amniga badda iyo la-dagaallanka falalka sharci-darrada ah ee ka dhaca badaha.
Dhoolatuskan ayaa waxaa ka qeyb galaya dalal ay ka mid yihiin Comoros, Djibouti, Masar, Faransiiska, Georgia, Hindiya, Kenya, Madagascar, Malawi, Mauritius, Morocco, Mozambique, Senegal, Seychelles, Tanzania, Tunisia, Mareykanka iyo Boqortooyada Midowday ee UK.
Ka qeybgalka Soomaaliya ayaa muujinaya dadaallada ay ku doonayso in ay ku xoojiso amniga badda, korna ugu qaaddo iskaashiga caalamiga ah ee la xiriira sugidda badaha iyo ilaalinta kheyraadka badda.
