Ku-xigeenka Xoghayaha Guud ee Urur Siyaasadeedka JSP Xildhibaan Xuseen Maxamed Nuur (Dhegaweyne) ayaa caawa munaasabad weyn oo lagu qabtay magaalada Dhuusamareeb ku shaaciyey musharaxnimadiisa Guddoomiyaha Golaha Wakiillada ee Dowlad Goboleedka Galmudug.
Mas’uuliyiin ay kamid yihiin Wasiir Ku-xigeenka Wasaaradda Warfaafinta Soomaaliya Mudane Cabdiraxmaan Yuusuf Al-Cadaala, Xildhibaano iyo Senatarro ka tirsan labada aqal ee BJFS iyo masuuliyiin ka tirsan Galmudug ayaa ka soo qeyb galay munaasabadda shaacinta musharaxnimada Guddoomiyaha Golaha Wakiillada Galmudug ee Xildhibaan Xuseen Dhegaweyne.
Related posts
Sidoo kale, qeybaha kala duwan ee bulshada reer Dhuusamareeb ayaa ka soo qeyb galay munaasabadda, iyadoo masuuliyiinta ka hadlay xafladda ay qireen in Musharax Xuseen Dhegaweyne uu mudan yahay xilka Guddoomiyaha Golaha Wakiillada Galmudug.
Galmudug waxaa ka dhacday doorashadii Golayaasha Deegaanka iyo Wakiillada oo qof iyo cod ku soo baxay, waxaana dhawaan lagu wadaa in loo gudbo doorashada Guddoonka Golaha Wakiillada iyo Hoggaamiyaha Dowlad Goboleedka Galmudug.
