Iyadoo ay socdaan qorshayaal lagu xoojinaayo howlgalada ka dhanka ah Maleeshiyaadka Argagixisada Al-Shabaab, ayaa Abaanduulaha ciidanka xoogga dalka Soomaaliya Odawaa Yuusuf Raage, wuxuu gaaray degmada Buula burde ee Gobalka Hiiraan.
Gudoomiyaha degmada Buula burde ee Gobalka Hiiraan Cabdi Daahir Guure oo la hadlay Radio Muqdisho, ayaa sheegay in Abaanduulaha uu u yimid degmadaasi sidii loo sii xoojin lahaa howlgalka ka dhan ah Argagixisada.
Sidoo kale Guddoomioyaha ayaa sheegay in ay kulan la yeelan doonaan, Abaanduulaha, Saraakiisha ciidanka iyo sidoo kale maamulka Degmada, wuxuuna tilmaamay iney kala hadli doonaan sugida amniga iyo ka xureeynta haraadiga argagixisada Al-Shabaab deegaanada hoos yimaada Degmada Buula burde.
Abaanduulaha Ciidanka Xoogga dalka ayaa Maalmihii lasoo dhaafay ugu sugnaa Gobalka Hiiraan dar dar gelinta qorshayaasha howlgalada ka dhanka ah Maleeshiyaadka argagixisada Al-shabaab oo caadeystay daadinta dhiiga Shacabka Soomaaliyeed.
