Guddoomiye ku-xigeenka golaha Abwaanada Soomaaliyeed Abwan Xirsi Dhuux ayaa sheegay in xaaladda caafimaad ee Abwaan Maxamed Cabdullaahi Ciise Sangub ay iminka soo hagaageyso xaaladkiisa caafimaad, isla markaana uu bulshada ka codsanayo inay u soo duceeyaan.
Abwaan Xirsi Dhuux oo la hadlay Radio Muqdisho ayaa sheegay in abwaanka uu ka roonyahay sidii hore, isla markaana aysan jirin cabsi laga qabo in loo qaado dalka dibadiisa.
Guddoomiyaha Golaha Abwaanada Soomaaliyeed Abwaan Maxamed Cabdullaahi Ciise Sangub oo isna la hadlay Radio Muqdisho ayaa sheegay in uu fiicanyahay, isla markaana uu shacabka Soomaaliyeed uga mahadcelinayo sida ay uga murgoodeen xanunkiisa.
“Aad baan u fiicnahay, waxaan shacabkeyga leeyahay waad mahadsantihiin sidii aad iigu duceyseen, anigu waxaa ii daran dadkeyga dhibaatada soo gaareysa inta ay anigu iga fekerayaan” ayuu yiri Abwaanka
Halkan ka dhageyso Wareysiga Abwaan Xirsi iyo Abwaan Sangub
