Mudane Cabdinaasir Maxamuud Cilmi Maareeyaha Maamulka iyo amniga Garoonka Aadan Cadde ayaa faahfaahin ka bixiyay kulan amniga Garoonka ku saabsan oo dhawaan lagu qabtay Garoonka.
Maareeyaha oo la hadlay Radio Muqdisho ayaa tilmaamay in kulanka ay ka qeyb galeen dhamaan hay’adaha amniga, kaasi oo diiradda lagu saaray xoojinta Nabadgelyada garoonka.
Mudane Cabdinaasir Maxamuud Cilmi ayaa xusay in dhismaha goobta la dhigto baabuurta ee garoonka Aadan Cadde uu meel wanaagsan marayo, ayna qorsheynayaan in mashaariic kale oo horumarineed ay ka hirgelin doonaan garoonka diyaaradaha Caalamiga ah ee Aadan Cadde.
