Agaasimaha Guud ee Arrimaha Bulshada Iyo Wacyigelinta Maamulka Gobolka Banaadir Mudane Cabdullaahi Aadam Muuse, ayaa maanta Shir Gudoomiyay Shirka Guddiga Udxiyada Gobolka Banaadir iyo Hay’addaha ka shaqeeya bixinta Xoolaha udxiyada.
Agaasime Cabdullaahi oo sidoo kale ah Gudoomiyaha Guddiga Udxiyada Gobolka Banaadir ayaa ugu baaqay Hay’addaha Udxiyada in Xoolaha Udxiyada la gaarsiiyo Degmooyinka Gobolka Banaadir lagana warqabo dadka Barakacayaasha iyo dadka danta yar ee ku nool Magaalada Muqdisho.
Shirka inta uu socday waxaa warbixin looga dhageystay Hay’addaha Udxiyada bixiya iyagoo ka hadlay caqabaha mararka qaar lasoo gudboonaada iyo Sanadkaan qorshahoodi xoola qeybinta ee Gobolka Banaadir.
Gaba gabadii Shirka waxa Guddiga Udxiyada Gobolka Banaadir uu hogaaminayo Agaasimaha Guud ee Arrimaha Bulshada Iyo wacyigelinta G.Banaadir Mudane Cabdullaahi Aadam Muuse iyo Hay’addaha ka shaqeeya udxiyada ay isku raaceen in si wadajir ah loogu adeego Shacabka Soomaaliyeed gaar ahaan kuwa ku dhaqan Caasimadda si simanna loo qeybiyo Xoolaha Udxiyada.
