Agaasimaha Guud ee Wasaaradda Arrimaha Gudaha, Federaalka iyo Dib-u-Heshiisiinta Galmudug Mudane Cumar Cabdi Maxamed Guure oo ay wehliyaan Guddoomiyaha deegaanka Baxdo iyo qaar ka mid ah Agaasimayaasha Waaxyaha ee Wasaaradda ayaa booqday xarumaha danta guud ee magaalada Baxdo.
Agaasimaha Guud ee Wasaaradda Arrimaha Gudaha Galmudug oo la hadlay Radio Muqdisho ayaa sheegay in goobaha ay kormeerka ku tegeen ay ka mid ahayd xarumaha Waxbarashada, Caafimaadka, Saldhigga iyo Xarunta Degmada, kuwaas oo si isku tashi ah ay u dhisteen dadka deegaanka.
Mudane Cumar Cabdi Maxamed ayaa xusay in ujeedka kormeerkooda uu la xiriiro u kuurgelidda xaaladda beni’aadanimo ee ka jirta deegaanka Baxdo, ayna qorsheynayaan inay halkaasi ka hirgeliyaan mashaariic horumarineed, maadaama ay xog uruurin ku soo sameeyeen baahiyaha ka jirta deegaanka.
