Agaasimaha Guud ee Wasaaradda Warfaafinta, Dhaqanka iyo Dalxiiska ee Dawladda Federaalka Soomaaliya Mudane, Cabdullaahi Xayir Ducaale ayaa waxa uu soo booqday maktabadda Akadeemiye Goboleedka Af Soomaaliga (AGA) ee magaalada Muqdisho.
Mudane, Cabdullaahi Xayir oo ay la socdeen xubno ka tirsan madaxda Wasaaradda Warfaafinta, ayaa soo indha-indheeyay qeybaha ay ka kooban tahay maktabaddaasi, waxaana uu sheegay in uu ku faraxsan yahay sida quruxda badan ee loo diyaariyay, isaga oo u soo jeediyay hawl-wadeennada AGA in ay dadaalkooda sii laba-jibaaraan.
