Cabdullaahi Maxamed Saneey Agaasimaha waaxda dabdamista iyo danabka ee Gobolka Banaadir oo howlo shaqo u tegay dalka Britain ayaa halkaasi uga qeyb galay shir looga hadlayay in la kordhiyo nalalka cad ceedda ku shaqeeya ee laga hirgeliyay caasimadda Soomaaliya ee Muqdisho, isla markaana laga dhigo habka casriga ah magaalooyinka dalka Ingiriiska oo kale.
Agaasimaha oo uu wehliyo la taliyaha dhanka farsamada Cabdiraxmaan Cali Mire ayaa Talaadadii waxa ay magaalada Leicester kula kulmeen madaxa u qaabilsan arrimaha nalalka ay adeegsadaan bulshada, kuwaasi oo ay isla meel dhigeen suurta galnimada in caasimadda Muqdisho loo qaabeeyo sida tan magaalooyinka Ingiriiska.
Mr. Manjeet S. Virdee ayaa xusay in magaalada Leicester oo kaliya laga hirgeliyay nalal gaaraya 33,000, (Sodon iyo saddex kun),. ayna diyaar u yihiin in ay gacan ku siiyaan maamulka Gobolka sidii loo balaarin lahaaa Nalalka.
Kulanka ayaa ku soo idlaaday si guul ah.
