Agaasimaha Xafiiska Duqa Magaalada Muqdisho Mudane Qaasim Cabdullaahi Xasan ayaa dalka Hindiya ku booqday Macalin Cali Maxamad Maxamuud iyo Ramlo Cabdullaahi Cali oo ka mid ah muwaadiniin xaaladooda Caafimaad dalka wax loogu qaban waayay oo uu Guddoomiyaha Gobolka Banaadir Ahna Duqa magaalada Muqdisho Mudane Yuusuf Xuseen Jimcaale (Madaale) u diray dalka dibadiisa si wax loogu qabto xaaladooda Caafimaad.
Muwaadiniintaan ayaa iyagoo ku jira Isbitaal ku yaala dalka Hindiya waxa ay Aaladda Fogaan araga kula hadleen Guddoomiyaha Gobolka Banaadir Ahna Duqa Magaalada Muqdisho, ayagoo kaga mahadceliyeen sida uu ugu warqabo xaaladooda Caafimaad.
Duqa Muqdisho ayaa hoosta ka xariiqay in uu si hoose ula socon doonno xaaladooda Caafimaad, asigoo u rajeeyay in uu eebbe caafimaad deg deg ah siiyo, isla markaana ay dalka dib ugu soo laabtaan, iyagoo caafimaad qaba.
