Agaasimaha Guud ee Wasaaradda Arrimaha Gudaha, Federaalka iyo Dib u heshiisiinta Xukuumaadda Federaalka Soomaaliya Mudane Caydaruus Cabdulle, ayaa maanta shir guddoomiyay Kulanka Koox Howleedyada Soo Kabashada Xilliga Hore ee Barnaamijka Xasllinta.
Shirkan oo ka dhacay xarunta Wasaaradda Arrimaha Gudaha, ayaa waxaa kasoo qeybgalay Hayy’adaha Dowladda oo ay shaqadoodu la xiriirto arrimaha, sida xafiiska Ra’iisul Wasaaraha, Wasaaraddaha Gaashaandhigga, Amniga Gudaha, Waxbarashada, Caafimaadka, Biyaha, Ciidamada Xoogga iyo Hay’adda Maareynta Musiibooyinka.
Kulanka, ayaa looga hadlay guulaha ay laga gaaray arrimaha Xasilinta laga sameeyay deegaannada dhawaan laga xoreeyay khawaarijta iyo arrimaha hortabinta leh oo ay tahay in wax laga qabto.
