Shirkan ay isku yimaadaan Agaasimayaasha guud ee Wasaaraddaha dowladda Federaalka ayna soo qaban qaabisay Wasaaradda Qorsheynta iyo iskaashiga caalamiga dalka ayaa waxaa looga hadlayay waxyaabaha u qobsoomay Wasaaradaha Dowladda Soomaaliya iyo kuwa aan u qabsoomin si loo ogaado howlaha ay hayaan.
Kulanka ayaa looga hadlay horumarinta qorsha Qaranka isla amrkaana ay Wasaaradaha dowladda Federaalka ay u soo gudbin lahaayeen qorshahooda, si waxyaabaha macquulka ah loogu biiriyo qorshaha Qaranka Soomaaliyeed ee halbeega looga dhigay saddaxda sano ee soo socato,
Xoghayaha Joogta Wasaaradda Qorsheynta .Cabdisiis Cabdi Diirshe ayaa tilmaamay inay wax badan u qabsoomeen, ayna jiraan kuwa kale oo weli u dhiman, balse ay xoogga saarayaan sidii loo dhameystiri lahaa.
Agaasimaha Wasaaradda Tamarta iyo kheyraadka biyaha Cabdiwaaxid Ibraahiim Axmed ayaa ka warbaxiyay howlaha u qabsoomay iyo waxyabaaha u dhiman iminka,. Iyagoo xusay inay ku dadaalayaan sidii ay u dhameystiri lahaayeen howlaha qabyada u ah.
,Agaasimaha Wasaaradda beeraha ,Dr Maxamuud Maxamed Maxamuud ayaa yiri “Wasaaradda beeraha markaan soo qaadano bishii Janaayo ilaa Maarso aan joogna waxaan isku soo aruurrinayay wixii sharciyo digareetadii ama wax Allaalle iyo wixii ay Wasaaradda beeraha ay lahad 1950 ilaa 1990“
Ku simaha Wasaiirka ahna Wasiir Ku-xigeenka qorsheynta Mudane Cabdullaahi Sheekh Cali, ayaa agaasimayaasha guud ee Wasaarddaha dowladda ka codsaday in ay soo gudbiyaan qorshaha Wasaraddaha si loogu biiriyo hormarinta qorshaha Qaranka oo sanadka dhaxdiisa la soo bandhigi doona cutubkiisa ugu horeeyo.
