Waxaa maanta magalada Baydhabo gaaray wafdi ka socda Wasaaradda Caafimaadka iyo Daryeelka Bulshada oo ay wehliyaan xubno ka socday Xafiiska Ra’iisul Wasaraha dalka, Wasaaradda Qorshaynta, Wasaaradda Amniga iyo Wasaaradda Warfaafinta waxa ay gaarsiiyeen agab caafimaad iyo sariiro Isbitaal oo loogu tala galay in loo adeegsado xakamaynta cudurka safmarka ee COVID-19.
Wafdigu waxa ay booqdeen xarunta loo asteeyay in lagu daweeyo cudurka COVID-19, waxa ay kaloo booqdeen Wasaaradda Caafimaadka ee Koofur Galbeed.
Sidoo kale wafdigu waxa ay kulamo la qaateen Wasaaradda Caafimaadka ee Koonfur Galbeed, Wasiirka Maaliyadda, Wasiirka iyo Agaasimaha Guud ee Wasaaradda Qorshaynta, Wasiirka Amniga iyo Taliyaasha booliska.
Booqashadaan ayaa waxa ay kusoo dhamaatay si wanagsan.
