Wasaaradda Caafimaadka Hirshabeelle oo
Wasaaradda Caafimaadka Hirshabeelle iyo hay’adda WHO oo ka mid ah hay’adaha Qaramada Midoobay ayaa si wadajir ah u gaarsiiyay agabka ka hortagga COVID-19 goobo ay ka mid yihiin Isbitaalka, Intarsoos ee magaalada Jowhar ee Caasimadda Hirshabeelle, garoonka diyaaraha Maxamed dheere. Iyo Iskuulka , Imaamu shaafici, oo ka mid ah Iskuuluda ku yaal Jowhar.
Agabkaani ayaa ahaa Afxir loogu talagalay in la gaarsiiyo goobaha bulshada loogu adeego. Tirada afsaabka lagaa siiyay gobahaan ayaa garayso dhowr iyo sodon kun.
Munaasabadda Agabkaani lagu wareejinayay ayaa waxaa goob joog ka ahaa mas’uuliyiin ay ka mid ahaayeen Agaasimaha, Isbitaalka, Intersoos Cabdiraxmaan Cali Cabdiraxmaan, Maamulaha, Iskuulka Imaamu Shaafici, Tifoow Qaylshe, iyo Maareeyaha, Garoonka Diyaaradaha Maxamed Dheere Mukhtaar Raatib iyo Mas’uuliyiin ka tirsan Wasaaradda caafimaada ka Hirshabeele,iyo WHO.
Qaar ka mid ah ardayda wax kabarata iskuulka Imaaushaafiici, iyo maamulaha iskuulka Tifow Qaylshe, ayaa bogaadiyay Wasaaradda Caafimaadka Hirshabeelle, iyo hay’dda WHO dadaalka ay ku jiraan sidii bulshada loo sama tabixin lahaa.
Iskuduwaha Wasaaradda Caafimaadka Gobalka Shabeelaha Dhexe Ibraahim Cabdulqaadir Xaaji iyo Wasiir ku-xigeenka Wasaaradda Caafimaadka Hirshabeelle Ismaaciil Cabdiqaasim {kabooli} ayaa sheegay inay u heelanyihiin had iyo jeer u adeegidda bulshada.
