Taliyaha Ciidanka Booliska Daraawiishta ee Gobolka Shabeelaha Hoose Gashaanle Dhexe Nuur Xayir Cali ayaa maanta 200 oo ah maro-kaneecooyin iyo 200 oo go’ gaarsiiyay Xarunta Agoonta EX kacaan ee Degmada Afooye oo hoostagta Ciidamada Asluubta Soomaaliyeed, waxaa taliyaha kala wareegay maamulka xarunta.
Taliyaha ayaa sheegay in loo baahanyahay in la ogaado agoonta islamarkaana la garab istaago xiliyadaan oo kale waxaana uu dadka soomaaliyeed ugu baaqay inay ka qeyb-qaataan xanaaneynaan agoonta.
“Waxaan ugu talagalay inaan ku caawiyo agoonta agabkaan waayo xalligaan lagu jiro ee roobka waxaa loo baahanyahay in la garab istaago agoonta “Sidaas ayuu yiri taliye Nuur.
Agaasimaha xarunta agoonta Degmada Afgooye Faadumo Maxamed Jimcaale ayaa uga mahadcelisay Taliyaha waxaana ay sheegtay in xilligaan ay u baahnaayeen Madaamada lagu gudaj jiro xilli roobaabka.
“Agabkaan uu taliyaha inoo keenay waan u baahneen maxaa yeelay xilliga lagu jiro ayaa ah xilli roobaadka go’a waana uga mahadcelineynaa sidoo kale waxaa ka codsaneynaa dadka la mid ah inay na garab istaagaan”ayay tiri Agaasime Faadumo Maxamed Jimcaale.
