Agaasimaha Guud ee Wasaarada Gaadiidka iyo Duulista Hawada ee Xukuumada Federaalka Soomaaliya Mudane Cali Gacal Gaabow iyo Taliyaha Qeybta Nabadgelyada Wadooyinka ee Taraafiko Genaral Bishaar Abshir Geedi iyo Hawl wadeenada Wasaaradda Gaadiidka iyo Duulista Hawada ayaa maanta kormeerey xarunta guud ee Dalada Isku xirka Dugsiyada lagu Barto Wadista Gaadiidka iyo Qeybta Imtixaanka Driver laysinka.
Mas’uuliyiintan ayaa qeyb qeyb u booqdey xaruntan isla markaana u kuur galay Hawlaha shaqo iyo Adeegyada Bulshada Soomaaliyeed loogu qabto, waxayna ku booriyeen in hawlaha shaqo ee bulshada loo hayo lagu saleeyo Cadaalad iyo Sinaan, isla markaana la ilaaliyo shuruucda dalka u degsan oo aan lagu xadgudbin muwaadiniinta.
