Akhriso: Magacyada Musharixiinta maanta baarlamaanka ka horjeedin doono qorshahooda siyaadeed

Musharaxiinta u taagan xilka Madaxweynaha Jamhuuriyadda Federaalka ah ee Soomaaliya ayaa maanta qeybta labaad waxa ay bilaabayaan inay tegaan xarunta golaha shacabka ee magaalada Muqdisho,  iyagoo khudbado ay uga hadlayaan barnaamijkooda siyaasadeed u jeedin doona

Xildhibaannada labada aqal.

Related posts

Qorshe Mareykanku ku doonayo in Kenya xarun karantiil caafimaad looga dhiso oo muran badan ka dhaliyay Bariga Africa

May 30, 2026

Ururka Hidda-dhoor oo ka qayb galay maalinta Dhaqamada Jaaliyadaha oo lagu qabtay dalka Belgium

May 30, 2026

Musharaxiinta maanta khudbadaha jeedin doona ayaa ah 8 musharax, waxaana Musharax walba uu heystaa muddo 30 daqiiqo inuu ku soo bandhigo barnaamijkiisa iyo waxqabadkiisa, hadii la doorto.

Guddiga doorashada Madaxweynaha ayaa sheegay in maanta oo Sabti ah ay dhaceyso qeybtii labaad ee khudbad jeedinta Musharaxiinta.

Musharaxiinta maanta khudbadaha jeedinaya ayaa waxay kala yihiin:-

1. C/naasir Cabdulle Maxamed
2. C/raxmaan C/shakuur Warsame
3. C/raxmaan Maxamed Maxamuud (Faroole)
4. C/laahi Cali Axmed (Cadow Cali Gees)
5. C/laahi Cali Xasan
6. C/laahi Ciilmooge Xirsi
7. C/qaadir Cosoble Cali
8. Cali Xaaji Warsame

Maalinta berri oo Axad ah ayaa la soo gaba gabeyn doonaa khudbadaha Musharaxiinta, iyadoo Musharaxiinta u dmabeeya ay maalinta berri ay jeedin doonaan khudbadahooda.

Khamiistii la soo dhaafay ayay aheyd markii Musharaxiintii u horeeyay ay jeediyeen Khudbadahooda, kuwaasoo ay ka mid ahaayeen Musharaxiinta kala ah,  Bashiir Raagge, Zakariye Xaaji, Dr. Saciid Ciise, Saciid Dani, Jabriil Ibraahim, Xasan Sheekh iyo Sheekh Shariif, iyadoo hal mudane uusan soo xaadirin goobta.