Al-Shabaab oo Dad ka Af-duubtay Gal-gaduud

Kooxda Argagixisada ah ee Al-Shabaab ayaa Wiil iyo Aabbahii ka Af-duubtay  degaanka Gal-Qoryaale oo hoos taga Degmada Guri-ceel ee Gobolka Gal-gaduud.

Related posts

Guddoomiyaha SoDMA oo khudbad ka jeedin doona madasha Soomaaliya ee shirka (COP3)

November 14, 2026

Hoggaamiye Aadan Madoobe oo booqday Cutubyo ka tirsan Ciidamada Qaranka ee ku sugan degmada Baraawe

November 14, 2026

Labada Nin ee ay Al-Shabaab Af-duubteen oo lagu kala Magacaabo jiray, Maxamed C/raxmaan Xersi iyo Aabbihii C/raxmaan Xersi Warsame, ayaa la sheegayaa in ay Maalmo ka hor weydiisteen Xoolo iyo Lagaco balse ay ka Biyo diideen.

Dadka degaanka ayaa sheegay in Labada Nin ee ay Malleeshida Al-Shabaab kaxaysteen ay ula dhaqaaqeen dhinaca degaanka Ceel-garas.

Saraakiisha Ciidanka Xoogga Dalka Soomaaliyeed iyo kuwa maamulka Galmudug ayaa warbaahinta Qaranka u sheegay u sheegay in ay halkaasi u direen Ciidamo, si loogu soo furto Gacanta Kooxda Argagixisada ah Dadka ay qafaasheen.