Ciidamada Darawiishta Jubbaland iyo Ciidamada sida gaarka ah u tababaran ee Danab ayaa cagta mariyay labo aag oo ay Al-Shabaab fariisin ku lahayeen oo ku yaala deegaanka Janaay Cabdalle ee Gobolka Jubada Hoose.
Ilaa 18 kamid ah Kooxda Al-Shabaab oo horjoogeyaal ay ku jiraan ayaa lagu dilay howlgalkan iyadoo laga furtay hub kala duwan oo ay heysteen.
Hubkan oo isugu jira lix qori oo AK47 ah iyo labo BKM iyo hal isgaarsiinta Ciidanka ah ayay Ciidamada Jubbaland howlgalkii maanta kaga soo furteen Al-Shabaaab.
Ciidamada ayaa maalmahii lasoo dhaafay howlgallo ay ka sameeyeen Jubbada Hoose ka gaaray guulo waa weyn, iyagoo meelo badan oo ay Shabaabku dadka ku dhibaateynayeen laga xoreeyay.
