Maleeshiyada Kooxda Al-shabab ayaa shalay galinkii dambe Ciisa Jemis Mwaisiga oo u dhashay Dalka Tanzania ku dishay goob faagare ah oo ka tirsan magaalada Jilib ee gobalka Jubada Dhexe.
Ciisa Jemis Mwaisiga ayaa Kooxda Al Shabab ee uu ka dhinac dagaalamayay ku xakuntay dil toogasha ah, kadib markii ay ku eedeeyeen in uu basaas ahaa.
Kooxda Al Shabab ayaa sheegtay in ninkaan uu ku soo biiray sanadkii 2013, isla marahaantaana uu qeyb ka ahaa kooxda Jabhadaha.
Toogashada Sargaalkaasi Ajinabiga ah ayaa ku soo beegmeysa iyadoo dhawaan qilaaf Xoog leh oo gacan kahadal dhaliyay uu soo kala dhexgalay maleeshiyaad kala taabacsan laba horjooge oo ka tirsan kooxdaasi.
Kala shakiga iyo qilaafka kooxdaasi ayaa sii xoogeysanayay muddooyinkii ugu dambeeyay, iyadoo taasina ay barbar socoto duqeyn iyo howlgallo dhulka ah oo maleeshiyaadka kooxda Al Shabab ay maalmihii la soo dhaafay wajaheysay.
Kadib Markii uu xoogeystay khilaafka iyo kala shakiga u dhexeeya Horjoogayaasha maaleeshiyada kooxda Al Shabab ee ku sugan magaalada Jilib ee gobalka Jubada dhexe ayaa wararka halkaasi naga soo gaaraya ay sheegayaan in maleeshiyaad isla kooxdaasi ka tirsan ay saagay toogteen sargaal Ajinabi oo u dhashay Dalka Tenzania.
Qof kamid ah dadka ku nool gobalka Jubada Hoose oo magaciisa sababa ammaanka la xiriira uga gaabsaday ayaa Wakaaladda Wararka Soomaaliyeed SONNA u sheegay in sargaalkaasi Ajinabiga ah ay dileen maleeshiyaad uu hoggaamiyo Axmed Surad oo ka mid ah horjoogayaasha kooxda Shabaab.
