Axmed Faarax Gaatamow oo ahaa Agaasimaha Madbacadda Qaranka ayaa caawa maqribkii Muqdisho ugu geeriyooday wadno xanuun.
Allaha u naxariisto Marxuum Axmed Faarax Gaatamow ayaa horey xilal kala duwan uga soo qabtay Wasaaradda Warfaafinta, kuwaasi oo kala ahaa Agaasimaha Radio Muqdisho iyo Agaasimaha Wakaaladda Wararka Qaranka SONNA, haatan waxa uu ahaa Agaasimaha Madbacadda Qaranka.
Dhowr jeer ayaa lagu sameeyay qaliin xagga wadnaha ah oo ku jiray isbitaal ku yaala Dalka Turkiga, balse markii dambe dib ugu soo laabtay Muqdisho.
Allaha u naxariistee Marxuum Agaasime Gaatamow waxa uu ahaa shaqsi howlkar ah oo in muddo ah ku soo dhex jiray Warbaahinta, waxaana uu culuumta saxaafadda ka bartay Jaamacadda Muqdisho.
