Allaha u naxariisto waxaa maanta Muqdisho ku geeriyooday Xildhibaan Xuseen Maxamuud Muuse (Xuseen Baantuu) oo ka mid ahaa mudaneyaasha Baarlamaanka Federaalka ah ee Soomaaliya.
Ugaas Aweys Sheekh Xuseen Honero oo la hadlay Radio Muqdisho ayaa sheegay in marxuumka uu waayahan ku xanuunsanaa Hooygiisa oo ku yaalla Muqdisho, isla markaana uu geeriyooday abaaro 1:30.
Ugaas Aweys ayaa xusay in Marxuum Xuseen Baantuu uu xilal kala duwan ka soo qabtay dowladihii KMG-ka ahayd, isla markaana uu haatan ahaa mudane ka tirsan baarlamaanka Federaalka ah ee Soomaaliya.
โMarxuumka waxa uu dhashay sanadku markuu ahaa 1950-kii, waxaa uu ifka kaga tegay iyo waxa ay sii dhaleen waxa ay gaarayaan 21 qof, Allaha u naxariisto muddo ayuu ku soo jiray siyaasadda dalka, Insha Allah beri ayaan geeyneynaa gurigiisa runta ahโ ayuu hadalkiisa ku daray Ugaas Aweys Sheekh Xuseen.
