Afhayeenka Ciidanka Nabadgelyada Midowga Afrika ee AMISOM Col Njuguna oo wareysi gaar ah siiyay Radio Mqudisho ayaa ka hadlay weerarkii maanta lagu qaaday kolonyo ka tirsan gaadiidka AMISOM oo lagu weeraray gobolka Shabeelaha Hoose.
Afhayeenka ayaa yiri: “Maanta Wakiilka Gaarka ah ee Midowga Afrika ee Soomaaliya Danjire Maman S. Sidikou waxa uu soo saaray War-saxaafadeed uu kaga hadlayo weerarkii maanta lagu qaaday kolonyo ka tirsan ciidanka AMISOM, kaasi oo uu ku tilmaamay in uu ahaa Weerar fuleynimo ah,
Ciidanka AMISOM waa ay iska caabiyeen kooxihii weerarka ku soo qaaday, laakiin saddex ayaa naga geeriyootay saddex kalena dhaawac fudud ayaa ka soo gaartay weerarka oo ka dhacay inta u dhexeysa Lego iyo Balidoogle.
Weerarka waxa uu qeybka yahay mid kooxaha dhagar qabayaashu ay kaga soo horjeedaan dadaallada ku aadan nabad ku soo dabaalidda Soomaliya ee ay wadaan ciidanka Nabad ilaalinta Midowga Afrika ee AMISOM, waxa ay sidoo kale isku dayayaan in ay rabashaan dadaalladaasi, waxa falkaasi sameynayana waa cadowga Shabaka Soomaaliyeed,
AMISOM waxa ay dhiigooda u hurayaan Walaalahood Soomaaliyeed, waxaana ka go’an inay siiwadaan dadaalka ku aadan Nabad ku soo dabaalida Soomaaliya, waxaaana uu intaa ku daray in uu murugada la qeybsanayo qoysaska ay askartooda kaga geeriyoodeen weerarkii maanta ee noloshooda ku waayay, waxaana uu kuwa dhaawac ah u rajeeyay inay bogsadaan, ayna dib ugu soo laaban doonaan howlaha ay ka hayaan Soomaaliya,, taasi waxa ay ahayd jawaabtii ama war-saxaafadeed ay AMISOM ka soo saartay weerarkii maanta.
Afhayeenka mar la waydiiyay su’aal ahayd sidee ku xoojinaysaan amniga meelaha ay marayaan kolonyada gaadiidka AMISOM, maxayse tahay talaabada idinkaga aadan sugidda amniga si dadka iyo ciidanka ay xornimo ku maraan meelaha qaar?
Col Njuguna ayaa ku jawaabay; “Waan sii wadaynaa dadaallada ku aadan sugidda amniga, si loo helo Nabadgelyo, laakiin mararka qaar waxaa dhici karta weeraro gaadma ah, sida kii maanta oo kale, balse markasta waan sii wadaynaa dadaallada ku aadan xoojinta amniga.
War-saxaafadeedkii aan soo saarnay ayaa ku sheegnay in weerarkaasi ay naga geeriyootay saddex askari, saddex kalena ay naga dhaawacmeen.
Waxaa la weydiiyay su’aal ahayd maxaa hakiyay howlgalkii badweynta Indiya ee ka dhanka ahaa maleeshiyaadka Al-Shabaab ee AMISOM ay ku dhawaaqday sanadkii tegay?
Howlgalka Militeri waxa ay leeyihiin waqti u gaar ah oo lagu jaan gooynaya sida ay u socdaan howlgallada, runtii howlgalka badweynta Indiya waxa uu yahay howlgallo Milateri, waana mid socda, mana dhamaan howlgalkaasi oo waa ii socdaa, balse maalin waliba waxaan sameynaa tallaabooyin loogu kuur galayo sida howlgalka lagu xoojin lahaa, marka waxaad la socotaan in tani ay tahay mid weli socda, una baahan in xaalad kasta lagu qiimeeyo.
Halkan ka dhageyso
