Ciidamada amniga ee dowladda ayaa saaka si aad u adkeeyay amniga waddooyinka magaalada Muqdisho, maadaama uu maanta magaalada ka furmayo shir caalami ah oo ay ka qeyb galaan dowladda Soomaaliya iyo saaxiibada Soomaaliya, kaasi oo ay si wada jir ah u shir guddoominayaan Madaxweyne Dowladda Federalka ah ee Soomaaliya iyo Ergeyga gaarka ah ee xoghayaha guud ee Qaramada Midoobay u qaabilsan Soomaaliya.
Wariyaha Warbaahinta Qaranka Feysal Muuse oo socod ku soo maray qaar ka mid ah waddooyinka magaalada Muqdisho ayaa ku soo waramay in ciidamada amniga ee dowladda ay ku suganyihiin isgoysyada iyo waddooyinka muhiimka ah ee magaalada Muqdisho, kuwaasi oo halkaasi ka wada howlgallo lagu xaqiijinayo amniga, isla markaana lagu baarayo gaadiidka iyo dadweynaha isticmaala waddooyinka caasimadda.
Ujeedka howlgallada ayaa ah mid lagu xaqiijinayo amniga caasimadda, madaaama ay imaanayaan wafuud heer caalami ah oo ka qeybgalaysa shirka looga hadlayo hiigsiga 2016-ka
