Aqoon iswaydaarsi la xariira uruurrinta xogta ku saabsan doorshada sanadka 2016 ka la filayo inay ka dhacdo Dalka oo ay soo qabanqaabisay hay’adda Horumarinta iyo cilmi Baariska ee SIDRA ayaa maanta lagu qabtay magaalada gaalkacyo.
Dood wadaagan ayaa waxaa ka qeybgalay mas’uuliyiin ka tirsan Maamulka Gobolka Mudug ee Galmudug, qeybaha kala duwan ee bulshada iyo marti sharaf kale.
Mahad Aadan Bootaan oo ka socday Hay;adda horumarinta iyo cilmi barista ee SIDRA ayaa sheegay in ujeedka aqoon isweydaarsiga uu yahay sidii ay u arruurin lahaayeen xogta ku wajahan doorashada la filayo in ay dalka ka dhacdo marka la gaaro sanadka 2016-ka iyo nuuca doorasho ay noqoneyso, isagoo intaa ku daray in aaraahda dadka ay tahay mid lagu ogaan karo qaabka ay noqoneyso doorashada.
Guddoomiye ku-xigeenka arrimaha bulshada ee Gobolka Mudug Maxamed Axmed Cilmi aya sheegay inay soo dhaweynayaan aqoon isweydaarsigan, kaasi oo uu ku tilmaamay in bulshada ay ku baran karto sida ay wax ku dooran lahaayeen.
