200- oo dhallinyaro ah oo muddo 9- bilood ah qaadanayayย tababar ku saaban xirfadaha gacanta ayaa maanta tababarkaasi loogu soo xiray Degmada Boondheere ee Gobolka Banaadir, iyadoo munaasbadaasi ay goobjoog ka haayeen mas’uuliyiin ka socday Hay’addii tababarka qabaneysay oo lagu magacabao New-Ways iyo Maamulka Degmada Boondheere
Dr Muxudiin Axmed Guure oo ka tirsan Madaxda Hay’adii tababarka xirfadaha gacanta bixineysay ee New-Ways ayaa ugu horeynย sheegay in dadka tababarka loo soo xiray oo gabdho u badan la baray qurxinta dumarka, cunta karinta iyo arrimo kale halka ragana la baray ku shaqeysiga adeegyada Korontada, isagoo xusay in tababarkan uu qeyb ka yahay fursadha shaqooyinka loogu abuurayo dhallinyarada Somaaliyeed.
Related posts
Guddoomiyaha Degmada Boondheere Seynab Yuusuf Wehliye ayaa bogaadisay in dhallinyarada Degmada la baray xirfado ay ku shaqeysan karaan, waxayna ku boorisay dhallinyarada in waxybaaha la baray ay usii gudbiyana bulshada inteeda kale.
Fahmo Cali Cumar oo ku hadleysay magaca dadkii tababarka xirfdaha la xiriira la baray ayaa u mahadcelisay cid walba oo gacan ka geysatay fursadda ay wax ku barteen.
“Waxaan u mahadcelinayaa anoo ku hadlaya magaca ardaydii tababarka uu u dhamaaday Hay’adda New-Ways oo waxbarsho kala duwan na siisay, hada waxaan awoodnaa inaan shaqooyin abuurano oo aan nolosheena ku maareyno” ayay tiri Fahmo Cali Cumar.
Gababagabdi munaaabadda ayaa waxaa halkaasii shahahadooyin lagu guddoonsiiyay dhallinyaradii loo soo xiray tababarka xirfadaha shaqo iyo farsamada gacanta ku saabsanaa.
