Madaxweynaha Dawlad Goboleedka Puntland Cabdiweli Maxamed Cali Gaas ayaa afur iyo casho sharaf u sameeyey ardaydii ku tartantay akhriska Qur’aanka Kariimka ah ee Gobolada Maamulka Puntland.
Kulankaasi afurka iyo cashasharafta ahaa ayaa Wasiirka Cadaaladda , Diinta iyo Dhaqancelinta Maamulka Puntland Saalax Xabiib Xaaji Jaamac uu Cabdiweli Gaas u wakiishay in uu ardaydaasi kala qeyb-galo.
Dhammaan Tartamayaashi isaga kala yimid Gobolada Puntland ayaa ka mahadceliyay kulanka afurka ah ee la sameeyay, waxaana ay tilmaameen in dadaalka ay wadaan ay sii laba jibaarayaan.
Wasiirka Cadaaladda , Diinta iyo Dhaqancelinta ee Puntland Saalax Xabiib Xaaji Jaamac oo khudbad kooban ka jeediyey madashii afurka ayaa sheegay inuu si aad ah ugu faraxsan yahay ka qeybgalka munaasibaddani.
