Ardayda Dugsiyada Jaabir Bin Xayaan ee hoostaga Muโasasada Maka Al-mukarama ayaa deeq lacageed oo gaareysa $1000 (kun dollar) gaarsiiyay Maryama Afrika oo ku xanuunsaneysa xaafad ku taalla degmada Waabari ee gobolka Banaadir.
Ardaydan oo dadaal dheer u galay sidii ay gacan muuqata uga qaadan lahaayeen xal u helidda xanuunka hayay Maryama Afrika ayaa si deg deg ah uga soo jawaabay fariintii la soo gaarsiiyay.
Related posts
Dhamaan maamulada dugsiyada Jaabir Bin Xayaan iyo madaxda Muโasasada Maka Al-mukarama ayaa si wada jir ah ugu booriyay ardaydooda iney garab iyo hiil u noqodaan inantan yari oo mudada dheer ku xanuunsaneysay degmada Waabari, sidii gargaar caafimaad oo dibadda ah loogu heli lahaa iyadoo xanuunka asiibay Maryama Yariisey lagu sheegay Cancer kaga bilawday sanka kadibna ku faafay xubnaha sare ee jirkeeda waxaana ugu sii daran isha midg.
Waxaa horay deeq lacageed oo sidaan oo kale ah soo gaarsiyay Xarumo waxbarasho oo isugu jiray Jaamacado & Dugsiya Sare oo kamid yihiin Jaamacadda Jazeera, Dugsiyada Hoyga Xamar & Imaamu Maalik & Qurba joog Soomaaliyeed oo kala jooga wadamada Sucuudiga, Mareykanka & Qaaradda Yurub wadama dhaca.
Wakiilka maamulayaasha & madaxda dugsiyada Jaabir Bin Xayaan Ustaad Axmed Maxamed Xassan Gaadle ayaa deeqdaasi lacageed ku wareejiyay Hooyo Nimco Tifow oo ah inanta xanuunsaneysa hooyadeed iyadoona ay ku wehlinayeen booqashadiisa qaar kamid ah ardaydiisa & madax ka tirsaneyd ururka mideynta & horumarinta ardayda soomaaliyeed ee Asal.
Sheekh Nuur Baaruud Gurxan ayaa horay ugu baaqay dhamaan dadka Muxsiniinta ah ee Ilaahey wax siiyay iney gurmad caafimaad oo deg deg ah la gaaraan inantan yare ee ku xanunsaneysa Muqdisho.
Sidoo kale Jimciyadda Asal oo u adeegta ardayda Soomaaliyeed ayaa dadaal xooggan u gashay sidii bulshada Soomaaliyeed loogu baahin lahaa baahida ay qabto Maryama si loo garab istaago.
Horay ayaa dhakhaatiirta & Wasaaradda Caafimaadkuba u sheegeen inaaney xaaladeeda caafimaad Maryama gudaha dalka wax looga qaban karin oo si deg deg ah ugu baahantahay in gargaar caafimaad oo banaanka ah loo fidiyo iyadoona la wado sidii looga jawaabi lahaa dhamaan baaqyada ku wajahan sidii loogu heli lahaa Maryama gargaar caafimaad oo deg deg ah.
ย
