Guddoomiyaasha ardayda Soomaaliyeed ee Dalka Uganda ayaa ardayda Soomaaliyeed u gudbiyay fariimo ku aadan ka hortaga caabuqa Coronavirus.
Kulan aay Magaalada Kampala ee Caasimadda dalkan Uganda ku yeesheen qaar kamid ah gudoomiyaasha ardayda Soomaaliyeed ee jaamacaha dalka uganda ayay kaga hadleen ka hortaga caabuqa corona oo ku faafay dunida.
Kulanka intii uu soo socday ayaa la isku dhaafsaday waxbaaha sababa cudurkan halista ah iyo ka hortagiisa iyagoona feejignaan ugu baaqay Bulshada Soomaaliyeed ee ku nool Uganda.
Dhanka kale guddoomiyaasha ardayda Somaaliyeed ee Jaamacadaha dalkan Uganda ayaa sheegay iney hakiyeen dhammaan shaqooyinkii ay u hayeen ardayda Soomaaliyeed ee waxkabarata Jamacadaha kala duwan ee dalkan iyagoo raacaya amarka Dowladda Uganda.
Kulankan guddomiyasha ardayda Soomaaliyeed ayaa ku soo aadaya Xilli Madaxweynaha Dalkan Uganda Yoweri Museveni uu ku dhawaaqay in la hakiyay muddo bil ah dhammaan goobaha Waxbarashada iyo goobaha dad weynaha isku yimadaan, iyadaa laga baqaya Cudurka COVID-19 Walow aan wali wax kiis ah laga sheegin Dalkan Uganda.
